Каљтрина Круезиу повторно докажа дека умее да го привлече вниманието со својот впечатлив стил. Овој пат, таа се појави на настанот „Декада на трансформации“ во Скопје во модна креација која не може секој да ја износи и која веднаш ги измами погледите на присутните.
Македонската професорка и мејкап артистка изгледаше елегантно и ефектно во бела мини креација со уникатна текстура, надополнета со корсет суптилно украсен со нежни бисерни детали, кои ѝ даваа доза на луксуз и софистицираност.
Дополнителен моден момент беше раскошната наметка, која создаваше впечаток на облаци од бели рози и внесуваше драматичност во целокупниот стајлинг, истовремено задржувајќи женствена и романтична естетика.
Својот изглед македонската Барби го заокружи со рачно изработена мини чанта со златна рачка, како и елегантни бисерни обетки. Како силен контраст на монохроматската комбинација, Каљтрина избра класичен црвен маникир, кој дополнително го истакна нејзиниот стил и внимание кон деталите.
