Чарна Невзати присуствуваше на гала вечерата „Beauty With a Purpose“ во рамките на изборот на Мис на светот.
На свеченоста, нашата претставничка зрачеше со елеганција во црна креација со долги ракави. 20-годишната студентка по право сподели фотографии на Instagram од гламурозниот настан.
„Ноќ за паметење на галата ‘Beauty With a Purpose’. Благодарна сум за инспиративните разговори и незаборавните моменти, прекрасните проекти кои беа презентирани од девојките. Честитки до сите девојки за нивната неверојатна работа и страст“ – напиша Невзати.
Во рамките на проектот „Beauty With a Purpose“ (Убавина со цел), Чарна избра својот глас да го искористи за да се бори за бездомните кучиња и кучињата кои се наоѓаат во прифатилиштата.