Македонка со хуман гест: Наместо подарок за роденден, гостите носеле храна за уличните животни
Данче Азманова Мирчевска, во јавноста позната како Дани од платформата Working Mom, реши годинава да го прослави својот 33-ти роденден на малку поинаков начин.
Гостите што биле поканети на роденденот, наместо подарок за славеничката, требало да донесат храна за улични кучиња и мачиња. Целта била да се соберат 33 килограми храна, симболично затоа што таа полнела 33 години.
Целта била надмината, собирајќи 33.375 грама течна и сува храна.
Деновите по роденденот, Данче со тимот лично нахраниле 132 улични кучиња и мачиња на територијата на Скопје и Струмица, разубавувајќи им го денот и помагајќи им да почувствуваат барем трошка љубов.
Погледнете го видеото од прославата и како храната стигнува до животните на кои им е потребна:
Одлична инспирација и охрабрување за сите оние кои сакаат да направат нешто добро во општеството!
