Магична и неповторлива: Каролина Гочева беспрекорно елегантна во црни креации и накит Rebecca на концертите во Скопје

Пееше од душа и за душа, пленеше со милозвучниот глас, изненадуваше со стари и нови хитови, одушевуваше со отменоста... Каролина Гочева ги поведе своите фанови на музички патувања за време на двата концерти со оркестарот на Македонската филхармонија.

Македонското девојче со елегантни комбинации со интригантни модни додатоци ја шармираше публиката. Вешто танцувајќи помеѓу концептите „дамска елеганција“ и „умерен гламур“, нашата ѕвезда блескаше во темни стајлинзи од нејзината долгогодишна соработничка Цаци Паковска.

Црната комбинација на првиот концерт беше надополнета со префинет накит од колекцијата „Lucciole“ од италијанскиот бренд Rebecca, кој пред три месеци го отвори првиот продажен салон во Скопје и кој во Каролина веднаш препозна идеално заштитно лице.

На вториот концерт славната пејачка носеше транспарентен фустан од деликатна тантела, „зачинет“ со впечатливи обетки и белезица од колекцијата „The Lion Queen“ на Rebecca.

Каролина ќе ги забавува обожавателите и на претстојните концерти – 20 и 22 февруари.

Изведбата на „Се лажам себе“ на вториот концерт

Фотографии: Филип Вирановски и Stefan Rajhl