Шведскиот хотел од снег и мраз е вистинска атракција, која секоја година никнува во ново руво.
31-вата „реинкарнација“ на „Icehotel“ беше отворена за посетители пред неколку дена и може да ѕирнеме какви сè скулптури ја красат внатрешноста.
„Светлината внатре е магична со различни сини нијанси, а несовршеностите на површините трепкаат. Снегот апсорбира многу од звуците, па тоа значи дека е многу тивко во собите. Магично е, комплетен свет од соништата“ – вели креативниот директор Лука Ронкорони.
Вкупно 35 артисти од целиот свет беа задолжени за годинешниот изглед на хотелот.
Фото: Icehotel