„Love is so Good“: Игор Џамбазов со нова љубовна песна посветена на неговата сакана Илина Арсова
„На мојата муза...“ – со оваа порака завршува новиот музички спот на Игор Џамбазов за песна инспирирана од неговата партнерка Илина Арсова.
Популарниот македонски музичар, актер и шоумен го објави видеозаписот за „Love is so Good (многу ми е премалку...)“, во кој расположен пее и свири гитара на планина.
Во текстот напишан од Џамбазов се вели: „Земи ме со тебе преку седум планини, седум реки, преку седум препреки и ќе те чувам од зло“. Очигледно стиховите се однесуваат на огромното постигнување на Арсова како прва Македонка која ги има освоено седумте највисоки врвови на седумте континенти, за што се закити и со наградата „13 Ноември“.
Низ спотот, кој оддава позитивни вибрации, се прикажани и дел од уметничките слики на Илина.
Во екипата што стои зад песната се вбројуваат: Мите Димовски (аранжман), Гуру Харе (гитара), Дамир Имери (клавијатури), Оливер Јосифовски (бас), Владимир Крстев (виолина) и Мите Димовски (тапани).
Видео
Парот е во врска од мај минатата година, а инстантно ги освои симпатиите на јавноста.