Видеото „Fireplace Fairy“ кое победи во американската емисија „Најсмешни домашни видео инсерти“ стана вирален хит. Во него, слатко девојче се обидува да покаже како функционира куклата „Летечка самовила“ која ја добило за Божиќ. За жал, обидот за непречено летање на куклата во воздухот завршува неуспешно, бидејќи самовилата одлетува во пламените јазици на каминот.
Видеото достигна до 1.2 милиони прегледувања на YouTube. Иако многумина коментираат дека сочувствуваат со девојчето, тие не кријат и дека слатко се изнасмеале на несреќниот крај на самовилата.