Карл Лагерфелд ја избра Блејк Лајвли, а Вера Ванг – Лејтон Мистер. Двете актерки од серијата „Gossip Girl“ успешно се пробиваат во светот на модата.
25-годишната Лејтон е новото рекламно лице на парфемот Lovestruck од дизајнерката Вера Ванг.
Рекламната кампања беше снимана во Њујорк, а печатените рекламни материјали веќе се објавени. На фотографијата Мистер е облечена во долга елегантна тоалета без прерамки од Вера Ванг и стои наведната на балкон, чекајќи го својот Ромео кој заљубено гледа во неа со букет цвеќе во раката. Рекламата изгледа сензуално, романтично и секси.
„Кога ги слушнав туристите како велат дека сакаат да изгледаат како неа, знаев дека сме направиле добар избор. Нема ништо како вистинскиот клиент на улица“ – изјавила Вера Ванг.