Куче тагува по смртта на саканиот сопственик во новиот спот на Луис Капалди кој ќе ви ги насолзи очите

Бура од емоции ќе предизвика во вас новиот спот на Луис Капалди.

26-годишниот музичар со емотивно видео ја претстави песната „Wish You The Best“. Во него се прикажани поштарот Џон (Дејвид Бредли) и неговото куче Вилоу кои негуваат силна поврзаност. За жал, Џон умира, а Вилоу (Вини) верно останува покрај неговиот гроб и тажи.

Млад поштар (Том Луис) ќе го забележи тажното куче и ќе го земе кај себе, но ќе се погрижи споменот за неговиот покоен сопственик да не згасне.

Видеозаписот за „Wish You The Best“ несомнено ќе ви ги насолзи очите.