Бијонсе и Блу Ајви ги привлекоа сите погледи на галата „Wearable Art“, која се одржа во Лос Анџелес.
36-годишната музичка ѕвезда и 6-годишното девојче се појавија на свеченоста во ултра впечатливи креации.
Бијонсе ги истакна облините во делумно проѕирен златен фустан со сирена силуета, додека нејзината ќеркичка носеше волуменозно металик фустанче со впечатлив додаток на главата.
Креацијата на Бијонсе е дело на индиската модна куќа Falguni Shane Peacock.
Во текот на вечерта, славната пејачка промени уште еден аутфит. Таа ја доби Наградата за хуманитарност.
Галата беше организирана од Тина Ноулс, мајката на Бијонсе, а дрес-кодот и темата на свеченоста беа инспирирани од новиот филм „Black Panther“.
