Криси Тиген со фотографии објави дека е бремена две години по трагичната загуба на нероденото бебе
Криси Тиген и Џон Леџенд конечно се израдуваа на прекрасна вест. Славниот пар го очекува своето трето дете, две години по трагичната загуба на бебето во 20-тата недела од бременоста.
36-годишниот модел објави фотографии од трудничкото стомаче и во описот напиша: „Изминатите неколку години беа исполнети со заматени емоции, но радоста повторно ги исполни нашиот дом и нашите срца. 1 милијарда инјекции подоцна (во последно време во ногата, како што можете да видите!) имаме уште едно бебе на пат. По секој преглед си велев: ‘Добро, ако е здраво денес, ќе ја објавам веста’, но тогаш дишев со олеснување кога ќе го слушнев чукањето на срцето и одлучував дека сè уште сум многу нервозна. Не мислам дека некогаш ќе излезам од преглед со поголема возбуда, отколку нервоза, но досега сè е совршено и убаво и се чувствувам надежно и прекрасно. Хух, ОК, беше многу тешко да се крие ова толку долго.“
По објавувањето на веста за бременоста, Кристи беше фотографирана од папараците.
Криси и Џон се родители и на 6-годишната Луна и 4-годишниот Мајлс кои се зачнати со ин витро. Претходно, тие 9 години неуспешно се обидувале да зачнат и оттогаш отворено зборуваат за вештачкото оплодување и проблемите со зачнувањето.
Во август 2020 година, тие споделија дека го очекуваат третото дете, а на 1 октомври ја објавија трагичната вест за смртта на бебето во нејзината утроба.