Креативна мајка на три деца купува облека на старо и ја трансформира во модерни парчиња

Кејтлин Трантем обожава да трансформира стара и винтиџ облека во модерни парчиња кои се вклопуваат во денешните трендови.

33-годишната мајка на три деца купува алишта на старо, а потоа ја користи својата креативност за да ги прекрои и да им даде нов изглед. Пандемијата ѝ овозможи повеќе слободно време на Кејтлин за модни експерименти.

„Со облека започнав да експериментирам оваа година. Кога започна карантинот, имав многу време за пракса и за куп проекти. Ова не само што заштедува пари, туку рециклирањето е одлично за околината. Покрај тоа, ја обожавам возбудата на ловењето. Патем најдов неверојатни алишта“ – рекла таа.