Версајскиот дворец е симбол за кралски раскош и се смета за едно од најголемите достигнувања на француската уметност.
Отсега, овој луксуз е достапен за секој кој ќе посака да го искуси кралскиот живот, но и кој ќе биде подготвен за тоа да издвои „мало богатство“. Деновиве се отвори првиот хотел во просториите на Версај, а за престој само за една вечер, гостите ќе треба да платат 1.700 евра.
„Le Grand Controle“ се состои од 14 апартмани, лоцирани во три историски згради, и има прекрасен поглед кон Версајската оранжерија.
Ресторанот нуди мени инспирирано од Луј XIV, кој владееше со Франција 72 години, како и класични француски јадења и попладневен чај посветен на Марија Антоанета.
