Кралска свадба се одржа вчера кај нашиот северен сосед. Принцот Михајло Караѓорѓевиќ стапи во брак со својата избраничка Љубица Љубисављевиќ.
Религиозната церемонија се одржа во црквата „Св. Ѓорѓи“ на Опленац, каде се наоѓа мавзолејот на династијата Караѓорѓевиќ.
На свадбата на принцот Михајло, кој е син на принцот Томислав и принцезата Линда, присуствуваа 300 гости, меѓу кои и повеќе членови на кралското семејство Караѓорѓевиќ.
По венчавката во црква, парот и гостите се упатиле на гала прием во Белиот двор.Младенците ги испочитувале сите обичаи, а на прославата се служела домашна српска храна и вино од кралската винарија „Опленац“.
