„Кралица наша“: Димитар Атанасовски со семејни фотографии ѝ го честиташе роденденот на „сродната душа“ Сара Мејс

Димитар Атанасовски ѝ го честиташе 35-тиот роденден на својата сопруга, Сара Мејс, со забавни фотографии и видеа, придружени со слатка порака на социјалните мрежи.

Македонскиот водител сподели моменти од нивниот семеен живот со ќеркичката Илина и синот Кирил, полни со смеа, авантури и љубов, а во описот напиша:

„Среќен роденден кралица наша, најсекси и најжестока мама, мојата сродна душа, најинспиративната партнерка за цел живот“ – напиша Атанасовски, додавајќи дека Сара „знае сè што ѝ посакуваат“.

Сара Костадиновска, позната како Сара Мејс, вчера наполни 35 години. Таа е успешна македонска пејачка и харфистка, која зад себе има бројни хитови. Во 2017 година стапи во брак со Димитар, а следната година им се роди ќеркичката Илина. Кирил дојде на овој свет во 2022 година.