„Ковчег со злато“ – спотот за новата песна на Дарио Панковски со која го најавува новиот албум

Дарио Панковски го објави спотот за новата песна, насловена „Ковчег со злато“.

Со ова музичко дело, македонскиот пејач го најави својот нов албум, кој ќе излезе наскоро.

„Ова е мојата нова песна ‘КОВЧЕГ СО ЗЛАТО’, која воедно е и најава за истоимениот нов албум кој излегува наскоро“ – напиша Дарио.

За текстот и музиката на „Ковчег со злато“ се погрижил самиот Дарио, додека аранжманот го потпишува Кристијан Габроски.

„Ил' ќе трагаш по виножито живот свој цел, ил' ќе застанеш и крај себе ќе погледнеш“ – се дел од зборовите во песната.