Љубителите на астрономијата овој месец имаа можност да уживаат во несекојдневна глетка на небото. Кометата Неовајс деновиве се наоѓаше најблиску до Земјата и беше видлива и со голо око.
Неовајс стана вистинска атракција за ентузијастите за фотографија кои ги насочија своите објективи кон небото со цел да создадат спектакуларни фотографии.
Катерина Поповска имаше можност да ја „улови“ кометата од неколку локации низ Македонија. Погледнете ја Неовајс низ нејзините прекрасни фотографии:
НАСА ја откри Неовајс во март оваа година, а потребни ќе бидат 6.800 години за повторна средба со кометата.
Неовајс ја достигна најблиската точка до Земјата на 23 јули, кога беше на оддалеченост од 103 милиони километри. Како што продолжува по својот космички пат, Неовајс станува сè помалку видлива на нашето небо.