Јанко Пенафорт повторно ги одушеви Македонците на Божиќ.
Колумбиецот, кој милува да пее македонски песни, со својот бенд, мајка си и татко си, ја отсвирија и отпеаја „Вечниот Бог“, мамејќи многу комплименти.
„Ви посакуваме среќен Божиќ. Денес со мојата мајка од Украина, Наталија, и за првпат ќе го слушнете на виолина татко ми од Колумбија. Со сета наша љубов за вас, за ваше здравје, за ваш празник и ве сакаме драги наши Македонци“ – рече Јанко на почетокот од видеото.
„Нема да верувате како Колумбијци ја испеаја 'Вечниот Бог' – Кожата ќе ви се наежи!“ – стои на YouTube.
Во коментарите постојано се нижат само комплименти за овие музичари од Колумбија кои имаат за цел „што повеќе луѓе во светот да слушнат колку е прекрасна македонската музика“.
„Моето име е Јанко. Јас сум професионален музичар од Богота, Колумбија. Немам никакви македонски корени. Оваа година поминав неколку месеци во Македонија и се заљубив во вашата земја и вашата музика. Македонската музика е симбол на храброста и борбата за слобода, но истовремено и прекрасна музика. Чест ми е да ја славам Македонија преку музика“ – пишува тој на својот Facebook профил „Колумбиец пее на македонски“.
