Кој би рекол дека полни 60 години? Згодната Хали Бери го прослави јубилејниот роденден во луксузен ресорт
Хали Бери зачекори во седмата деценија од животот. Холивудската актерка го прослави својот јубилеен 60-ти роденден во друштво на вереникот Ван Хант, на кого јавно му се заблагодари за тоа што ѝ го направил денот незаборавен.
На објавените фотографии на социјалните мрежи, заљубената двојка ужива на луксузно крстарење со јахта, како и на романтична вечера, а споделува и моменти од разладувањето во ресорт со огромен базен.
Природна и без грам шминка, славната оскаровка сподели и неколку кадри во црно-бел костим за капење во кој ја покажува нејзината топ фигура, во лежерен бел ленен фустан додека се шета по плажа, како и во заводлива наметка која го открива нејзиното деколте.
„Ви благодарам на сите од срце за целата љубов за роденденот и убавите желби. Благодарна сум што сѐ уште сум тука!“ - напиша Бери.
Младоликата филмска ѕвезда постојано добива комплименти за одржаниот изглед.
