Иако во септември најчесто летната гардероба се заменува со потопла облека и слоевити комбинации, Селена Гомез покажа дека мини фустаните секогаш се во игра.
За време на промотивната турнеја за новата сезона на нејзината серија „Only Murders in the Building“, популарната актерка и пејачка пленеше во две различни креации од модната куќа Jacquemus.
Црвениот плетен фустан со висока јака и ракави до лактите, изработен од мерино волна, идеално балансира меѓу удобност и елеганција. Впечатливиот стајлинг таа го комплетираше со лакирани црвени обувки од Christian Louboutin.
По повод промотивните активности во Њујорк, Гомез носеше и мал црн фустан со превиткана јака и суптилни метални детали на рамото и повторно остана верна на минимализмот, носејќи црни сандали и ненаметливи аксесоари.
