Кит Харингтон е на рехабилитација: Ѕвездата од „Game Of Thrones“ на третман поради стрес и алкохол
Кит Харингтон е на рехабилитација поради проблеми поврзани со стрес и консумирање алкохол. Веста прво ја пренесе Page Six, а подоцна беше потврдена од претставник на актерот.
32-годишниот актер, кој осум години ја имаше улогата на Џон Сноу во „Game Of Thrones“, се пријавил на рехабилитација во луксузниот здравствен центар „Prive-Swiss“ во Конектикат неколку недели пред премиерата на финалната епизода од серијата.
Според информациите, завршувањето на серијата била причината за големиот стрес кој го доживеал британскиот актер. Харингтон поминува низ третман со медитација и когнитивно бихејвиорална терапија, пред сè поради стрес и истоштеност, но исто така поради консумирање алкохол.
„Кит одлучи да ја искористи празнината во неговиот распоред како можност да помине време во велнес центар за да поработи на некои лични проблеми“ – рекол претставник на актерот.
Неговата сопруга Роуз Лесли, со која заедно глумеа во серијата, му давала огромна поддршка.
„Неговата сопруга Роуз му дава огромна поддршка. Сите негови блиски навистина сакаат тој да се одмори. Во моментов, него му се потребни само мир и тишина“ – рекол извор близок до актерот.
Кит со солзи во очите го заврши снимањето на серијата.