Кирк Даглас го прослави 101. роденден покрај 98-годишната сопруга со која е во брак 63 години
Кирк Даглас го прослави својот 101. роденден. Специјалниот ден за легендарниот холивудски актер и оскаровец беше одбележан со мала семејна прослава.
Покрај Даглас беше неговата сопруга, 98-годишната Ана Бајденс, со која е во брак долги 63 години. „Среќник сум што ја пронајдов мојата сродна душа пред 63 години“ – изјави тој неодамна.
Кирк и Ана се запознаа во 1953 година, а стапија во брак во мај следната година.
И Мајкл Даглас славеше со татко си, додека Кетрин Зета-Џонс со порака му го честиташе роденденот на својот свекор.
„101 година денес!!! Мојот мил Тато на моето колено. Среќен роденден на мојот прекрасен, инспиративен и грижлив свекор, Кирк. Те сакам со сето мое срце“ – напиша таа во описот на фотографија со Кирк.
Кариерата на холивудската легенда се протега низ долги 60 години. Даглас доби над 90 филмски улоги, меѓу кои во филмовите „Lust for Life“, „Spartacus“, „The Bad and the Beautiful“, „Champion“ и „I Walk Alone“.
Кирк три пати беше номиниран за Оскар за Најдобар актер, но успеа да се закити само со златна статуетка во 1996 година за Животно дело.
Минатата година, својот 100. роденден, Кирк го прослави со голема забава.
