Ќерката на Ем Вандера прослави роденден во Малта, популарната Кенијка ѝ честиташе со слатка порака

Малата Дариа наполни 5 години.

Ќерката на Емакулате Вандера и Михајло Блажески го прослави својот роденден во друштво на родителите во Малта. Најпознатата македонска снаа од Кенија и нејзиниот сакан уживаа и славеа покрај морскиот брег.

Ем не пропушти да сподели фотографии и на ќерката ѝ напиша слатка порака:

Пет години чиста радост, смеа и бескрајна љубов ❤️ Среќен 5-ти роденден на моето мало сонце, мојот најголем благослов, мојата вечна најдобра другарка. Од мали кикотења до голема личност, ти ги исполни нашите животи со толку многу среќа. Гледајќи те како растеш е најголемиот подарок и едвај чекам за сите авантури што ни претстојат. Мама те сака повеќе од зборови 😍 За уште повеќе гушкања, повеќе палавштини и уште повеќе прекрасни спомени.

Ем и Михајло стапија во брак во 2019 година. Во интервју за Фемина, таа изјави дека за неа е предност тоа што живее меѓу две култури.

„Понекогаш знае да биде предизвик да се балансираат традициите, но во суштина е многу збогатувачко. Тоа ни овозможува да создадеме нешто уникатно – наша сопствена семејна традиција, втемелена на љубов, почит и разбирање“ – рече таа.