Кели Мек ја изгуби битката со ракот: Актерката од „The Walking Dead“ почина на 33 години, 11 месеци по дијагнозата
Кели Мек го напушти овој свет.
Младата актерка, која во јануари сподели дека има рак на централниот нервен систем, почина на 33-годишна возраст во Охајо. Тажната вест за смртта на Мек беше објавена од семејството на нејзиниот Instagram профил.
„Со неизбришлива тага ја објавуваме смртта на нашата драга Кели. Таква силна, пламена светлина се префрли на онаа страна, каде што сите ние на крајот мораме да одиме.“
„Кели почина мирно вечерта во саботата, во присуство на нејзината сакана мајка Кристен и тетка ѝ Карен. Ќе им недостига на толку многу луѓе... Таа би сакала сите да знаете колку ве сака. И како нејзина сестра, сакам сите да знаете колку беше храбра, особено кога одлучи да направи скок за да се соедини со Бога. Многу сум горда на неа“ – напиша сестрата на Кели.
Во јануари 2025 година, Кели јавно објави дека има рак по серија симптоми кои започнале со болка во долниот дел од грбот, чешање и нервна болка во десниот квадрицепс, како и болки во нозете и половината кои ја принудиле да спие во фотелја бидејќи лежењето било невозможно.
Откако ѝ била направена магнетна резонанца во септември минатата година докторите утврдиле дека има ретка форма на рак.
Кели Мек е најпозната по улогата на Ади во 9-тата сезона од серијата „The Walking Dead“.
