„Кажав ДА“: Модната блогерка Леони Хана доби романтичен предлог за брак од партнерот во Портофино
Леони Хана го прифати предлогот за брак од Александар Галиевски.
35-годишната модна блогерка рече „ДА“ на јахта во Портофино, Италија. Популарната Германка сподели видео и фотографии од моментот, заедно со порака полна со позитивни емоции:
„Засекогаш звучи како рај со тебе“, „Благодарна сум што те имам покрај мене, засекогаш“ – напиша таа во описот на фотографиите.
Во видеото, Хана напиша.
„10 години изгледаат како долго време... Се запознавме на првата вечер на факултет, станавме најдобри пријатели, станавме пар, раскинавме и повторно го пронајдовме патот за да се обединиме. Немавме многу кога првпат се запознавме, но твоите љубов и креативност никогаш не познаваа граници. Отсекогаш ми велеше дека ќе ми ги оствариш соништата и дека ќе ме носиш во прекрасни ресторани и места ако можеш... еден ден. Се сеќавам на секој чекор и на целата енергија која ја вложивме за заедно да си го оствариме сонот. Сега, чувствувам дека пристигна... Благодарна сум што те имам покрај мене секој ден, засекогаш“.
Леони и Алекс се заедно 10 години.
