Каква мајка, таква ќерка: Шајло носеше прекроен фустан на Анџелина Џоли на премиерата на „Eternals“

Анџелина Џоли неодамна сподели дека ги поддржува своите деца да „купуваат“ во нејзиниот плакар и да ја носат нејзината облека.

„Ох Боже, носете ги и носете ги подобро од мене. Земете ги, сега вам ви е редот“ – изјавила таа.

Па така, ќерка ѝ Шајло одлучи да прекрои еден од нејзините фустани и да го носи на најновиот филмски настан.

На премиерата на „Eternals“ во Лондон, 15-годишната девојка се појави во нова верзија на фустанот од Диор, кој Џоли го носеше во 2019 година.

46-годишната актерка минатата недела ѝ позајми фустан и на најстарата ќерка Захара. Креацијата е дело на Ели Сааб, а Џоли ја носеше на доделувањето на Оскар во 2014 година.