„Каков благослов“: Калиопи трогната од изненадувањето на Милица Тодоровиќ, која ѝ пееше под балкон
Калиопи од срце се радуваше на изненадувањето кое ѝ го приреди Милица Тодоровиќ.
30-годишната српска пејачка без да ѝ каже на Калиопи допатувала во Скопје и ѝ отпеа една од омилените песни под балкон. Нашата музичарка не можеше да си ја сокрие возбудата во текстот кој го напиша на фотографиите и видеото од случката.
„Знаете дека секогаш го споделувам со вас малото слатко „лудило“ на мојот свет... Но, таа е повеќе од тоа... Мојата сакана Милица ми приготви вистинско изненадување. Тивко, без мое знаење, дојде во мојот град и како да е најголемиот трубадур, ме покани на балконот со песна што ја сакам многу и која го зајакнува нашето пријателство... Каква радост, каков благослов. Те сакам, девојко! Ти си уникатен, прекрасен дар за овој свет... Се гордеам со тебе“ – напиша Калиопи.
Двете пријателки минатиот месец се дружеа во Белград.