Џесика Алба уживаше во спортски викенд во друштво на својата ќерка Хонор Ворен, а нивното појавување на УС Опен не помина незабележано.
45-годишната актерка и нејзината 18-годишна наследничка позираа прегрнати пред фотографите, а многумина коментираа дека повеќе наликуваат на сестри отколку на мајка и ќерка.
Џесика избра лежерно елегантно издание со крем фустан и светлосив џемпер од кашмир. Стајлингот го надополни со чанта Fendi, златни алки и слоевити ланчиња.
Хонор се појави во кариран фустан со халтер деколте, кој го комбинираше со црна чанта и златен накит, следејќи го стилскиот пример на својата славна мајка.
Двете се особено блиски, а во јуни ја одбележаа полнолетноста на Хонор со исти тетоважи по повод нејзиниот 18-ти роденден.
Алба ја доби Хонор во бракот со филмскиот продуцент Кеш Ворен. Поранешните сопружници се родители и на ќерката Хејвен, родена во 2011 година и синот Хејс, роден во 2017 година.
Џесика и Кеш ставија крај на својот брак во 2025 година, по 16 години брачен живот. Актерката во меѓувреме продолжи понатаму на љубовен план и започна романса со актерот Дени Рамирез, кој ја придружуваше на УС Опен.
