Никогаш не сте престари за да си ги реализирате соништата. Доказ за тоа е Марг Берг, која со стил го прослави 90-тиот роденден.
Бестрашната бабичка си го исполни сонот да лета со падобран, скокајќи од авион заедно со инструктор. Возраста не ја спречи да ужива гледајќи го светот одгоре.
„Беше прекрасно. Како да бев птица. Беше убаво да видам сè одгоре“ – рекла таа по слетувањето.
Берг за медиумите објаснила од каде ја добила идејата за оваа нејзина роденденска авантура.
„Го видов Џорџ Буш како скока на 90-годишна возраст. Си реков: ‘Ако може тој, можам и јас’. Никогаш не мислев дека ќе стигнам до 90 години. Но, ете сум и ќе го направам ова“ – рекла таа.
Семејството ја гледало Марг додека скокала од авионот. Нејзината ќерка рекла:
„Многу сум возбудена за неа. Таа прави секој ден да се брои. Сите многу ја сакаме Мама“.
