Како Алексис од „Династија“: 92-годишната Џоан Колинс елегантна на настан со 31 година помладиот сопруг

Џоан Колинс е доказ дека стилот и харизмата не познаваат возраст.

92-годишната актерка, позната по улогата на Алексис во култната серија „Династија“, блесна на хуманитарен настан во Лондон, придружувана од сопругот Перси Гибсон, кој е 31 година помлад од неа.

Парот присуствуваше на летната гала вечер организирана од „Shooting Star Children's Hospices“, на која се собираа средства за тешко болни деца. Настанот собра бројни познати личности од британската сцена.

Колинс изгледаше одлично во бело сако во стил на смокинг, украсено со роза, комбинирано со црна кошула и елегантни панталони. Слични модели на сакоа таа носеше во „Династија“, серија која ја снимаше од 1981 до 1989 година.

Легендарната актерка неодамна откри дека никогаш не би користела модерни препарати за слабеење и дека нема направено естетски корекции на лицето.

„Не верувам во игли и такви нешта. Никогаш не сум ставила Ботокс или нешто друго во моето лице“ – рекла таа.

Љубовната приказна на Џоан и Перси започна во 2000 година, а две години подоцна тие стапија брак.