„Јас со неполни 13 години“: Каролина Гочева се наврати на минатото преку насловна страница од младоста
Каролина Гочева има нанижано бројни успеси од нејзиниот прв настап на детскиот фестивал „Си-До“, па наваму. Сепак, почетоците на нејзината кариера засекогаш ќе ѝ останат многу драги.
Македонската музичарка сподели фотографија од нејзината прва насловна страница за Екран и во објава на социјалните мрежи се потсети на моментите кога позирала во нејзиниот роден град, Битола.
Јас со неполни 13 години за првпат на насловна на Екран. ❤️
За оние кои не знаат, тогаш Екран беше веројатно најзначајниот пишан музички медиум кај нас.
Синоќа, кога ми ја испратија сликава, во погледот си ја видов возбудата и тремата што како срамежливо и несигурно детенце ја почувствував кога се јавија и кажаа дека сакаат да ме сликаат за насловна.
Една недела подоцна, дојдоа дома во Битола, во куќата каде пораснав.Сликава ме натера и да размислам колку време е поминато од тогаш, заедно со еден куп исполнети и неисполнети желби и соништа, (како и во сечиј живот).
Единствено останаа непроменети мојата желба музиката да биде дел од мојот живот и мојата верна придружничка - тремата.☺️
Секако, благодарност до ВБУ Музички регистар што постојано изненадуваат со вакви заборавени “blast from the past” моменти.
Па дечки, мислев дека само мојата сакана баба Љупка имаше ваква архива ☺️
Фотографијата прво била објавена на Facebook профилот ВБУ Музички регистар.
Каролина денес е една од најуспешните музичарки кај нас.