Ја изневери во првата бременост, но таа му прости и очекуваат второ дете: Нејмар со девојката и ќеркичката на црвениот тепих

Нејмар секогаш ја има најголемата поддршка од своите најблиски.

Славниот фудбалер присуствуваше на хуманитарен настан во Саун Пауло, каде беше придружуван од девојката Бруна Бјанкарди и нивната мала ќеркичка Мави.

33-годишниот спортист ја држеше слатката Мави во рацете, додека Бруна го истакна трудничкото стомаче во зелен фустан.

Пред неколку недели, парот сними трудничка фотосесија.

Нејмар и Бруна се смета дека започнаа да се состануваат во 2021 година, но јавно ја објавија врската во јануари 2022 година.

Во 2023 година, Нејмар беше мета на многу критики откако јавно призна дека ја изневери Бруна додека таа беше бремена. Тој ѝ се извини во пост на Instagram.

„Видов колку многу си експонирана, колку страдаше поради ова и колку многу сакаш да бидеш покрај мене. Стојам покрај тебе. Згрешив многу. Ризикувам кога велам дека грешам секој ден, на теренот и надвор од него. Само што грешките ги поправам во мојот личен живот дома. Но, сето оваа погоди една од најспецијалните личности во мојот живот... Мајката на моето дете. Ако една приватна работа стана јавна, тогаш извинувањето мора да е јавно. Не можам да се замислам без тебе... Нашата љубов кон бебето ќе победи, нашата меѓусебна љубов ќе нè направи посилни. Те сакам“ – напиша тој.

Неколку месеци по јавното извинување, тој повторно беше снимен како се забавува со други жени, по што Бруна напиша:

„Добар ден, свесна сум што се случи и уште еднаш сум разочарана, но во последната фаза од мојата бременост, мојот фокус и грижи се насочени кон мојата ќерка и таа е сè на што ќе мислам во моментов. Ви благодарам на сите за пораките полни љубов“.

И покрај неверството, Бруна му прости на Нејмар и тие се сè уште заедно.