Џоан Колинс не престанува да изненадува со својот стил и во десеттата деценија од животот.
92-годишната актерка, која кај нас се прослави со улогата на Алексис во култната серија „Династија“, се појави во гламурозно издание на отворањето на 79-тото издание на Канскиот филмски фестивал и привлече големо внимание.
На црвениот тепих, Џоан зрачеше со елеганција во впечатлива бела креација од високата мода на Стефан Ролан. Фустанот, инспириран од орхидеја, имаше драматични набори околу деколтето и рамената, кои создаваа раскошна силуета која потсетуваше на цветни ливчиња.
Стајлингот, Џоан го надополни со црни ракавици и впечатлив дијамантски накит, а целиот нејзин изглед потсетуваше на златната ера на Холивуд.
Колинс беше придружувана од сопругот Перси Гибсон, кој е 31 година помлад од неа.
