„Изгледа како да има 31 година“: 13-годишната ќерка на Бијонсе гламурозна покрај баба си, поттикна лавина коментари

Блу Ајви го украде целото внимание со гламурозниот изглед на 27-мото издание на „Angel Ball“ во Њујорк, каде нејзината баба Тина Ноулс беше една од почесните гостинки.

На настанот, 13-годишната ќерка на Бијонсе и Џеј Зи пристигна во елегантен розов свилен фустан со корсет и пердувести ракави, комбиниран со дијамантски накит и сребрена вечерна чантичка. На социјалните мрежи веднаш започнаа да се редат различни коментари за изгледот на девојката:

„Изгледа како да има 31 година“, „30 или 13?“, „Таа е само дете – 13 – а изгледа многу повозрасно. Ова е стајлинг за возрасни“, „Таа е дете, облечете ја така. Не е ниту кукла, ниту жена“, „Изгледа прекрасно како мајка ѝ“, „Дефинитивно ќерка на Бијонсе“, „Преубава“ – се само дел од коментарите за изгледот на Блу Ајви.

Блу Ајви беше на добротворната свеченост за да ја поддржи Тина, која беше наградена за „нејзиното извонредно влијание и за продолжување на мисијата за финансирање на иднината на истражувањата за ракот“.

Бијонсе сподели фотографија на Instagram и напиша: „Честитки, мамо, за твојата награда за филантропија на Angel Ball вечерва!“