Иванка Трамп објави фотографии од тајната луксузна свадба на Доналд Трамп Џуниор на Бахамите

Иванка Трамп сподели фотографии од патувањето на Бахамите, каде се одржа интимната свадбена церемонија на нејзиниот брат Доналд Трамп Џуниор и Бетина Андерсон.

На фотографиите, популарната ќерка на претседателот на САД позира со сопругот Џаред Кушнер, нивните деца и роднините од семејството Трамп додека сите заедно уживаат на плажите на луксузен приватен остров.

44-годишната бизнис дама овековечи и свои модни моменти. Посебно внимание привлече и фотографијата со нејзината 19-годишна внука Каи, за која напиша дека ѝ е „најдобар партнер за пловење со суп даска“.

Интересно е што иако објави повеќе моменти од свадбениот викенд, Иванка не сподели ниту една фотографија од младенците, што веднаш предизвика бројни коментари на социјалните мрежи.

Новопечената невеста Бетина пак, го сподели само цитатот „Моето срце е и секогаш ќе биде твое“ и го означи својот сопруг Доналд Џуниор, како и фотографија од ноќница на која е извезено „госпоѓа Трамп“.

Според американските медиуми, свадбата се одржала во многу приватна атмосфера со околу 40 гости, меѓу кои биле најблиските членови на семејството и пријатели на парот. Доналд Трамп не присуствуваше на церемонијата, наведувајќи ги како причина за отсуството државните обврски и актуелната геополитичка ситуација.