Блогер од Италија ја користи својата смисла за хумор за да ги пресоздава фотографиите на славните и е хит на Instagram.
Емануеле Ферари ги „копира“ стајлинзите на славните со помош на предмети и материјали од секојдневниот живот, исмејувајќи ја модата.
„Забележав како некои од парчињата облека во светот на модата се навистина апсурдни и во мојот ум започнав да ги пресоздавам со материјали кои ги имав дома. Затоа одлучив да создадам профил и да се однесувам лудо“ – изјавил тој.
„На интернет, иронијата честопати станува вирална“ – вели Емануеле и во неговиот случај тоа навистина е така. Досега него го следат повеќе од 1,3 милиони корисници на популарната социјална мрежа.
Ферари вели дека најголемата инспирација ја црпи од семејството Кардашијан и од блогерката Кијара Ферањи, но негови „мети“ се и ѕвезди како Ријана, Анџелина Џоли, Мајли Сајрус, Кристијано Роналдо и други.
