„Иста си како кога бев заљубен многу во тебе“: Софија Куновска го сподели последниот коментар од Кили пред смртта

Смртта на актерот Кирил Поп Христов – Кили остави длабока празнина кај неговите блиски и колегите.

Уметникот, кој со децении оставаше силен печат на сцената, почина на 58 години во Еквадор, каде изминатите години живееше со сопругата и ќерката.

Меѓу многуте објави со збогувања на социјалните мрежи, беше и објавата на неговата колешка Софија Куновска. 

Таа го објави последниот коментар кој го добила од Кили неколку денови пред неговата смрт. Во него стои:

„Иста си потполно како кога бев заљубен многу во тебе“.

Куновска напиша дека токму тој коментар бил неговиот последен поздрав со неа.

Не можеше да се поздравиш со мене на поубав начин од тој што го избра да се поздравиш пред неколку дена…

Патувај со ангелите драг Кили и таму отсвири ја и отпеј ја најубавата песна – напиша таа.