Ирина Дишовска со нетрпение го очекува моментот кога ќе го земе во прегратка своето второ детенце.
Македонската планинарка не се откажува од своето омилено Водно дури ни во последните денови од бременоста.
Сопругата на Павле Камилоски објави видео во кое се искачува на Водно во 42-рата недела, додека истовремено се надева дека ќе успее да предизвика спонтано породување.
„Здраво дечки. Нова година помина, Бадник и Божиќ поминаа, а јас уште не сум породена. И сега сум тука на моето Водно да видиме што се случува. Верувам дека има многу мајки што ги носеле децата до 42-ра недела и ова е крајот. До тука е, толку се може“ – рече Ирина.
Таа одговори и на неколку прашања од своите следбеници, кои беа загрижени што сама се искачува на Водно, а во секој момент може да се породи.
„Со Јосиф имав природно породување, се надевам дека ќе биде исто и сега на ГАК. Препорака на докторите е ако не се породам спонтано до полна 42-ра недела, да се стави провокација која ќе го поттикне раѓањето“ – напиша Ирина.
Таа изјави и дека доколку добие контракции за породување на Водно, најпрво ќе му се јави на сопругот за да му направи мала паника.
„Најпрво би се слушнала со сопругот да му направам малку стрес. А потоа почнувам со правилно дишење за да ги намалам болките и да издржам да стигнам до Клиника“ – рече таа.
Ирина и Павле имаат и синче кое се вика Јосиф. Овој пат тие очекуваат ќеркичка.
