Инфлуенсерка која личи на Ерлинг Халанд ги запали социјалните мрежи, доби и коментар од норвешкиот фудбалер
Ема Кејт Вилман стана вистински интернет феномен откако корисниците на социјалните мрежи забележаа необична сличност меѓу неа и Ерлинг Халанд.
Сè започна со едноставно видео во кое американската инфлуенсерка покажува како се прави француска плетенка. Но, наместо фризурата, вниманието го украде нејзиниот изглед.
Видеото за кратко време собра повеќе од 33 милиони прегледи и над милион лајкови, а коментарите беа преплавени со шеги дека таа е „женската верзија на Халанд“.
„Изгледа како одамна изгубената сестра на Халанд“, „Не можам да поверувам дека токму таа го елиминираше Бразил“, „Женски Халанд“, „Прво помислив дека јас ќе бидам првиот што ќе ја спореди со Халанд, а потоа видов дека самиот Халанд ѝ коментирал“ – беа само дел од реакциите.
На виралниот тренд се приклучи и норвешкиот фудбалер, кој во коментарите напиша: „Hi“ (Здраво) со емотикон со палец нагоре. Неговиот коментар собра речиси два милиони допаѓања и дополнително ја зголеми популарноста на видеото.
Ема подоцна призна дека не очекувала туторијалот за плетење коса да стане светски хит поради споредбите со еден од најдобрите фудбалери во светот.
„Се колнам, ако добијам уште еден коментар дека личам на Ерлинг Халанд...“ – се пошегува таа во ново видео, откривајќи дека за само еден ден добила неколку илјади нови следбеници на Instagram.
Благодарение на огромната популарност, покрај милионските прегледи, Ема откри дека почнале да ѝ се јавуваат и познати брендови, меѓу кои и Adidas, а не ја исклучува можноста да отпатува и на некој од натпреварите на Светското првенство.