„Името ѝ е совршено“: Ѕвездата од „Twilight“ Тејлор Лотнер со сопругата Тејлор добија ќерка чие средно име е Тејлор

Актерот Тејлор Лотнер и неговата сопруга Тејлор (Теј) Лотнер станаа родители.

34-годишната ѕвезда од „Twilight“ со истоимената избраничка ја споделија среќната вест на социјалните мрежи, откривајќи дека нивната ќерка се вика Ленон Тејлор Лотнер, а е родена на 16 септември.

„Една недела ја сакаме нашата слатка мала Лени“ – напишаа новите родители покрај фотографијата од бебето.

Особено внимание привлече средното име на девојчето – Тејлор, кое го носат и татко ѝ и мајка ѝ. 

„Името ѝ е совршено 😍“, „Толку ми е мило што го задржавте Тејлор во името – едноставно моравте 😂❤️“, „Многу ми се допаѓа што навистина го ставивте Тејлор во нејзиното име. Премногу добра можност за да ја пропуштите 😂“, „Тројца Тејлор Лотнер би биле премногу моќни 😂“ – се само дел од коментарите на Instagram.

Уште кога ја објавија веста за бременоста во март, актерот се пошегува со заедничкото име.

„Што е подобро од двајца Тејлор Лотнер?“ – напиша тогаш тој, објавувајќи фотографија на која ја бакнува сопругата на стомачето.

Тејлор и Теј се запознале преку неговата сестра и започнале да се состануваат во 2018 година. Три години подоцна се верија, а во ноември 2022 година стапија во брак на романтична церемонија во Калифорнија.

По свадбата, Теј го додаде презимето Лотнер, со што и двајцата носат исто име.