Игор, Антониа, Тамара, Лозано... Македонските ѕвезди ја објавија песната „Насмевка“ за 25 години СОС Детско село

Македонски музички ѕвезди ги здружија своите таленти и создадоа прекрасна песна по повод 25-годишниот јубилеј на СОС Детско село.

Игор Џамбазов, Антониа Гиговска, Тамара Тодевска, Андријана Јаневска, Сара Мејс, Никола Перевски-Пере, Влатко Лозаноски, Стефан од Next Time, Дани Димитровска и Мијата ја снимија песната „Насмевка“, која ќе ве освои од прво слушање.

„По повод 25-годишниот јубилеј на СОС Детско село сакавме да направиме нешто што ќе остави трага. Додека ја создававме, беше наша песна, а сега е песна на сите деца поддржани од СОС Детско село и на сите луѓе на светот.“

„За секое дете да расте со НАСМЕВКА“ – пишува во описот на видеото објавено од Гуру Харе.