И камен ќе заплаче: Млад фудбалер му посвети гол на 13-годишниот Аган Асани кој загина во сообраќајна несреќа
Тагата по 13-годишниот Аган Асани, кој трагично го загуби животот во сообраќајна несреќа, сè уште не стивнува.
Емотивен момент кога млад фудбалер му оддаде почит на својот прерано починат врсник брзо се рашири онлајн и трогна многумина на социјалните мрежи.
Младиот Давид Докмановиќ од ФК Еуроспорт, по погодок на натпревар, реши голот да му го посвети на Аган. Додека славеше, тој го соблече дресот и ја покажа маицата под него, на која стоеше името на Аган Асани, како и зборовите „Почивај во мир“.
„Го посветив голот на Аган Асани“ – кратко порача Давид, а неговиот гест предизвика лавина позитивни коментари.
Фотографијата од Давид ја сподели Бошко Тасиќ со зборовите:
„Кд и камен заплаче , гол посветен за прерано починатиот Аган Асани :(“.
Аган беше млад и просперитетен фудбалер од Черкези, Куманово, кој почина откако беше удрен со автомобил додека возеше електричен тротинет на регионалниот пат Куманово-Скопје.
Споменот на Аган несомнено ќе продолжи да живее меѓу неговите врсници и сите оние кои го познаваа.
Изразуваме искрено и длабоко сочувство до неговото семејство.