Ѝ ја бакнува раката, ја гледа вљубено: Џорџ и Амал Клуни гламурозен пар на црвениот тепих во Венеција
Амал и Џорџ Клуни го украдоа целото внимание на Филмскиот фестивал во Венеција.
64-годишниот актер и 47-годишната адвокатка покажаа љубов и стил на црвениот тепих пред премиерата на неговиот филм „Jay Kelly“.
Џорџ ѝ ја бакна раката на својата сакана и нежно ја гледаше додека позираа пред насобраните фоторепортери.
Амал се појави во мини фустан со драматична долга опашка од Jean-Louis Scherrer кој го надополни со сандали од Aquazzura, чантичка од Jimmy Choo и накит од Cartier. Џорџ пак заведуваше во класичен костум од Giorgio Armani.
Џорџ, кој ја пропушти прес-конференцијата поради инфекција на синусите, заедно со колегите добија 10-минутен аплауз за филмот „Jay Kelly“.
