Бездомништвото е проблем кој се јавува во сите поголеми градови во светот и е трауматично искуство за сите оние кои го доживуваат.
Австралиската организација „Beddown“ изнајде идеално решение за да им го олесни животот на лицата кои немаат постојан кров над главата.
Волонтерите во добротворната организација од Бризбејн навечер претвораат подземен паркинг во безбедно засолниште за бездомните луѓе, поставувајќи им кревети и топли прекривки.
„Сите заслужуваат да имаат кревет за спиење“ – велат од организацијата.
Тие се обидуваат да ги искористат местата кои се полни во текот на денот, а празни навечер.
Знаејќи дека се соочуваат со бројни здравствени проблеми, организацијата им нуди на бездомните луѓе и посета на доктор, стоматолог и фризер, како и чиста облека и место каде што можат да се избањаат.
