Хиларија и Алек Болдвин со видео возвратија на критиките дека таа го контролира како марионета и ги влече конците

Во изминатиов период Хиларија Болдвин беше мета на чести критики дека го контролира сопругот Алек и дека го третира како марионета.

За да возвратат на негативните коментари, 41-годишната јога инструкторка и 67-годишниот актер снимија забавно видео инспирирано од „Пинокио“. Додека тече песната „When You Wish Upon a Star“ од оригиналниот дизниев филм, Хиларија користи дрвени лажици за готвење, преправајќи се дека на нив има невидливи конци со кои ги контролира движењата на Алек.

„Дечки, ми дадовте идеја. Едноставно морав да ја пробам“ – напиша таа на постот.

@hilariabaldwinofficial Well, you guys gave me the idea. I just HAD to try it out #HilariaBaldwin #alecbaldwin ♬ original sound - the disney dump™️

Нивната „точка“ доаѓа откако видео од парот стана вирален хит, а интернет корисниците упатија остри критики до Хиларија која има 7 деца со Алек. Во видеото, таа го критикува затоа што ја прекинал додека зборувала за време на интервју.

„Боже... Кога јас зборувам, ти не зборуваш. Не. Кога јас зборувам, ти не зборуваш. Поради ова треба да го сечеме од шоуто“ – вели таа во видеото.

@extra_tv Alec and Hilaria Baldwin on if we'll see a Season 2 of their family reality show! #alecbaldwin #hilariabaldwin #thebaldwins #tlc ♬ original sound - ExtraTV

Во делот за коментари, многумина заклучија дека таа е „ужасна“, „груба“ и дека „нема почит“ кон сопругот кој бил славна личност, а таа не била.

Хиларија и Алек стапија во брак во 2012 година.