Хелена Роза стана баба.
Нејзината ќерка Кјара Гоља на свет донесе девојче кое го доби името Инара Роус Пауни.
27-годишната девојка, која со години живее во Нов Зеланд, објави фотографија на Instagram, на која со сопругот Стефан го држат новороденчето за раче. Во објавата, Кјара откри дека се породила на 20 септември.
Бременоста била чувана во тајност, а ова е прво дете за двојката, која е во брак веќе 2 години.
Меѓу личностите кои им упатија убави желби на новите родители беше и сестрата на Хелена Роза, Ребека Јанковска Ристески.
„Радувајте се, гушкајте се и секогаш сплотени во љубов да сте❤️❤️❤️“ – им порача Ребека.
Кјара и Стефан се венчаа во 2024 година на мала свадбена прослава, само околу еден месец откако тој ја запроси.
Кјара е дипломиран правник во Нов Зеланд, каде што повеќе од 10 години живее и мајка ѝ Хелена со сопругот Игор и синчето Тијан.
