HalkMatinée – инспиративна дружба за поддршка на женското претприемништво и финансиската независност

Незаборавна забава, моќна панел дискусија и модна продажна изложба со хуманитарен карактер ги очекуваше гостите во „Three Kitchen & Bar“ на првото HalkMatinée.

Мотивирачката собиранка, во режија на Халкбанк, обедини стотици лица со заедничка цел – да се подигне свеста и поддршката на женското претприемништво и финансиската независност.

Инспиративниот настан започна со поздравен говор од Маја Наумовска Савеска, директорка на маркетинг и корпоративни комуникации во Халкбанк и претставничка на Националната мрежа против насилство врз жените и семејно насилство.

Следеше динамичен разговор кој го подгрева претприемачкиот дух и копнежот за самоподобрување и осамостојување кај жените со Александра Бела Белчева од urma.mk, Ивона Трајановска од Унија на млади претприемачи Phoenix Rising и Јана Клопчевска, професорка на Технолошко-металуршкиот факултет при Универзитетот „Св. Кирил и Методиј“ во Скопје и основачка на Les Scientists.

Од ентузијастичката екипа одекнаа размислувања за квалитетот на живот, создавањето на нови позитивни навики, себенадградувањето, значењето на дигиталниот маркетинг и социјалните мрежи за бренд билдингот, како и применување на стратегии за градење на мрежа за помош и менторска поддршка.

За добрата забава и музиката беше задолжена диџејката Надежда Димитријевиќ.

Настанот беше заокружен со продажна изложба на модни креации. Дизајнерките Јована Филиповиќ, Ирина Тошева и Наталија Терзија и креаторот Марјан Бебекоски презентираа фустани во рамките на добро познатата кампања „Фустани со џебови“, која минатата година ја иницира Халбанк. Акцентот е ставен на џебот, навидум банален моден елемент, кој таи моќна симболика. Новите модни дела нè потсетуваат дека џебот не е само простор за складирање (не)важни ситни предмети, туку и симбол на независност и финансиска слобода.

Од каде инспирацијата за моќната кампањата „Фустани со џебови“? Во минатото, доминантно било размислувањето „зошто ѝ е на жената џеб кога мажот ги носи парите и сè што вреди“. Жените дури и денес често се лишени од комоцијата да имаат функционални џебови, иако тоа е стандард во машката мода. Па така, сè погласни се дамите кои бараат промени, не само поради комфорот и практичноста, туку и за да испратат силна порака за финансиска слобода.

Креациите од кампањата „Фустани со џебови 2.0“ се достапни за купување и онлајн на линкот: https://portret.digital/fsdh-shop/

Благодарение на хуманитарната компонента на настанот, ќе бидат помогнати жени од социјално ранливи категории. Имено, средствата од продажбата на фустаните ќе бидат донирани во Националната мрежа против насилство врз жените и семејно насилство.

За сите претприемачки, беше промовиран специјален „Пакет за жени“ од Халкбанк за кредити до 500.000 евра, со фиксна годишна каматна стапка за кредитите до 12 месеци и многу поволности за кои можете да се информирате тука. Исто така, беа претставени елегантните дизајни на Mastercard бизнис картичките.