Град во Босна и Херцеговина се откажа од прославата за Нова година, парите пренаменети за операција на болно дете

Хуманоста на граѓаните на Какањ заслужува почит.

Градоначалникот на овој град во Босна и Херцеговина ја доби поддршката на граѓаните за да ја откаже планираната прослава за Нова година и парите да ги донира за лекување на мало дете.

Имено, на сметката на Евелин Алајбеговиќ биле префрлени 8.000 конвертибилни марки, односно сите пари предвидени за дочекот на Нова година на отворено. 7-годишното детенце страда од тумор на мозокот и мора итно да биде оперирано.

За операцијата во Германија биле потребни вкупно 130.000 конвертибилни марки, па голем број на волонтери започнале хуманитарна акција за да се собере високата сума. Благодарение на лица со големи срца, за помалку од 48 часа била постигната целта.

„Комунициравме со нашите сограѓани на социјалните мрежи и увидовме дека граѓаните сакаа да му се помогне на детето. Практично од нив започна оваа иницијатива средствата за дочекот на Нова година да се пренасочат за лекување на нашиот мал Евелин“ – изјавил градоначалникот Нермин Мандра, но и напоменал дека донацијата од општината не била голема и дека волонтерите биле позаслужни за достигнувањето на високата сума.

Дефинитивно ова е позитивна сторија која претпразнично грее срца и нè потсетува на моќта на добрината.