Лука Антиќ е матурант.
Најстариот син на Перо Антиќ и Ружица Максимовска, кој тргна по стапките на татко си и активно се занимава со кошарка, годинава го завршува средношколското образование. За матурската вечер, младото момче избра елегантно бордо одело, искомбинирано со црна кошула.
Гордиот татко на Instagram сподели нивна заедничка фотографија направена во автомобил, а во описот напиша: „Среќна матура, гордост татина“, и додаде хаштази дека времето лета, како и дека Лука е неговиот „принц“ и „првородена љубов“.
Ружица, која е главна и одговорна уредничка на списанието „Портрет“, исто така му честиташе на Лука со објавување неколку фотографии, на кои напиша дека засекогаш ќе се гордее со него.
Перо и Ружица во 2019 година ставија крај на 13-годишниот брак, а покрај Лука, ги имаат и синовите Павел и Петар.