Љубителите на класичната музика уживаа на несекојдневниот гала-концерт „Од МОБ за Скопје“ кој се одржа на платото пред МОБ.
На концертот во чест на 200-годишнината од раѓањето на Јохан Штраус, настапија 80 музичари од Националната опера и балет под диригентската палка на Винценц Праксмарер, заедно со солистите Бригита Симон и Иван Наумовски.
„Концертот „Од МОБ за Скопје“ понуди вистинско патување низ романтиката и елеганцијата на виенската класика, пренесена со автентичност и страст, а задоволната публика ги награди изведувачите со бурен и долготраен аплауз“ – порачаа од МОБ.
Во првиот ред меѓу гостите беше и претседателката Гордана Сиљановска-Давкова, која носеше елегантна бордо комбинација.
На големо задоволство на публиката, концертот заврши со фантастична изведба на „Јовано, Јованке“.
Фото: Официјална страница на Facebook на Национална опера и балет / Марко Угарковиќ, Оливер Настески